Rafael Fiziyevdən rəqibinə xəbərdarlıq: "Bakıya gələndə bal gətir"

UFC döyüşçüsü Fares Ziyamın Bakıda qarşılaşma təklifinə azərbaycanlı idmançı Rafael Fiziyev tərəfindən maraqlı reaksiya gəlib.

Gundem.today xəbər verir ki, Fiziyev rəqibinin bu iddialı çağırışını cavabsız qoymayıb və rəsmi sosial media hesabı üzərindən ona öz ismarışını göndərib.

Azərbaycan təmsilçisi fransalı rəqibinə xəbərdarlıq edərək bu sözləri yazıb: "Nə arzu etdiyinə diqqət yetir və çay üçün yaxşı bal gətir, Bakıda xoş qarşılanacaqsan".

Fares Ziyam isə öz növbəsində bu mesaja "100%, qardaş" şərhini yazaraq, qarşılaşmaya tam hazır olduğunun siqnalını verib. İki idmançının bu maraqlı onlayn dialoqu iyun ayında Bakıda təşkili irəli sürülən potensial döyüşə olan marağı zirvəyə daşıyıb.

Xatırladaq ki, digər azərbaycanlı UFC döyüşçüsü Nazim Sadıxov ötən ilin dekabr ayında UFC-də fransalı Fares Ziyama 2-ci raundda texniki nokautla məğlub olub.

Xəbər maraqlı gəlib? Sosial şəbəkələrdə paylaşın