Romelu Lukaku üçün üç fərqli istiqamət

Belçikalı ulduz hücumçu Romelu Lukakunun mövsümün sonunda İtaliyanın "Napoli" klubu ilə yollarını ayıracağı gözlənilir.

Gundem.today xəbər verir ki, belçikalı forvard dünya çempionatının ardınca Neapol təmsilçisini birdəfəlik tərk edəcək.

Artıq 32 yaşlı ulduz futbolçunun xidmətində Türkiyə və Səudiyyə Ərəbistanı klubları yaxından maraqlanır. Bununla yanaşı, təcrübəli oyunçunun futbola başladığı ilk klubu olan "Anderlext" də onu yenidən öz doğma heyətinə qatmaq niyyətindədir.

Qeyd edək ki, Romelu Lukaku üçün cari mövsüm heç də uğurlu keçmir və o, mövsümün xeyli hissəsini zədə səbəbindən kənarda qalaraq buraxıb. Nəticədə hücumçu bu mövsüm "Napoli"nin forması ilə meydana çıxdığı cəmi 7 qarşılaşmada yalnız 1 dəfə fərqlənə bilib.

Xəbər maraqlı gəlib? Sosial şəbəkələrdə paylaşın