Tanınmış bəstəkar Vaqif Gərayzadənin doğum günüdür
Bu gün tanınmış bəstəkar Vaqif Gərayzadənin doğum günüdür.
Bu gün tanınmış bəstəkar Vaqif Gərayzadənin doğum günüdür.
Gundem.today xatırladır ki, Vaqif Gərayzadə 27 mart 1961-ci ildə Bakı şəhərində anadan olub.
O, ilk musiqi təhsilini 1971-1976-cı illərdə Bakının Bakıxanov qəsəbəsindəki 4 saylı beşillik musiqi məktəbinin fortepiano sinfində alıb.
1983-1987-ci illərdə Azərbaycan Dövlət İncəsənət İnstitutunun kütləvi tamaşalar rejissoru fakültəsini bitirən V.Gərayzadə 1993-1997-ci illərdə təhsilini bu ali məktəbin aspiranturasında davam etdirib.
Azərbaycan Dövlət Konsert Birliyində, Filarmoniyada işləyib. Mədəniyyət və İncəsənət Universiteti mədəniyyət tarixi və nəzəriyyəsi kafedrasının müəllimi, həmçinin estrada populyar musiqi kafedrasının təşəbbüskarı və ilk müdiri olub.
Vaqif Gərayzadə müxtəlif janrlarda, o cümlədən caz, pop janrında əsərlərin müəllifidir. Bir sıra beynəlxalq festival və müsabiqələrin laureatı, "Aypara", "W-trio", "Şeron" musiqi qruplarının yaradıcısı, "Şərq ulduzları" və "Şərq çırağı" vokal qruplarının rəhbəri olub.
Azərbaycan Respublikası Prezidentinin 15 sentyabr 2011-ci il tarixli fərmanı ilə "Əməkdar incəsənət xadimi" fəxri adına layiq görülüb.
Bir çox hit musiqilərin müəllifi olan bəstəkar Azərbaycan estradasında Brilliant Dadaşovanın, Zülfiyyə Xanbabayevanın, Aygün Kazımovanın, Röyanın və bir çox tanınmış müğənnilərin yetişməsində böyük rol oynayıb.
Ailəlidir, 2 övladı var.
Xəbər maraqlı gəlib? Sosial şəbəkələrdə paylaşın
Oxşar Xəbərlər
MədəniyyətPutin Dərbənddəki Azərbaycan Musiqili Dram Teatrının açılışında çıxış etdi
Dağıstan Respublikasının Dərbənd şəhərində yerləşən Azərbaycan Dövlət Musiqili Dram Teatrı əsaslı təmirdən sonra yenidən fəaliyyətə başlayıb. Rusiya Federasiyasının Prezidenti Vladimir Putin bu mədəniyyət ocağının açılış mərasiminə videokonfrans formatında qatılıb.
MədəniyyətAzərbaycan mahnıları Londonda səslənir: Musiqiləri viral olan tələbə danışdı - FOTO - VİDEO
Son günlər azərbaycanlı gənc ifaçı Sonya sosial şəbəkələrdə paylaşdığı duet videoları ilə diqqət çəkir. İngiltərədə musiqi təhsili alan həmyerlimiz xarici musiqiçi ilə birlikdə Azərbaycan mahnılarını fərqli təqdimatda ifa edir və bu videolar qısa müddətdə izləyicilərin marağına səbəb olur.