Tehranda ən məşhur universitetlərdən biri bombardmana məruz qalıb - FOTO - VİDEO

İranda ən məşhur texniki universitetlərdən biri hesab edilən Tehrandakı Şərif Texnologiya Universiteti hava hücumuna məruz qalıb.

Gundem.today-ın xəbərinə görə, bu barədə "Al Hadath" nəşri məlumat verib.

Bildirilir ki, təhsil müəssisəsinin ərazisində ardıcıl partlayışlar olub. Ölən, yaralanan və ya dəyən ziyan barədə hələ ki məlumat yoxdur.

Həmçinin "Tasnim" agentliyi bildirir ki, Şərif Texnologiya Universitetinə bitişik ərazidə bombardmandan sonra qaz təchizatı dayandırılıb.

ABŞ-İsrail qüvvələrinin hücumu nəticəsində təchizat stansiyası zədələnib və bu da universitetin olduğu rayonda qaz təchizatının dayandırılmasına gətirib çıxarıb.

Bundan əlavə, bombardman nəticəsində universitetin yaxınlığındakı prospektlərdən biri bağlanıb.

Xəbər maraqlı gəlib? Sosial şəbəkələrdə paylaşın