"Turan Tovuz"la matçda vurulan həlledici qol Volkov üçün xüsusi olub

Misli Premyer Liqasının XXIX turu çərçivəsində baş tutan "Turan Tovuz"la gərgin səfər qarşılaşması (1:1) "Zirə"nin legioneri Davit Volkov üçün xüsusi əhəmiyyət kəsb edən qolla yadda qalıb.

Gundem.today Peşəkar Futbol Liqasının rəsmi saytına istinadən xəbər verir ki, bu dəqiq zərbə sayəsində gürcüstanlı legioner ölkə çempionatında qollarının sayını 60-a çatdırıb.

Hücumçu bu göstəriciyə karyerası ərzində çıxdığı 198-ci matçında imza atıb. Davit bu qolları Azərbaycanın üç fərqli klubunun formasını geyinərkən rəqib qapılarından keçirib.

Ölkə çempionatında ilk dəfə 2018/2019 mövsümündə meydana çıxan Volkov debüt etdiyi "Qəbələ"də 27 oyuna 7, daha sonra "Sabah"da 63 matça 16 qol sevinci yaşayıb. O, "Zirə"nin heyətində isə 108 qarşılaşmada 37 dəfə fərqlənməyi bacarıb.

Qeyd edək ki, bu nəticə ilə Volkov Misli Premyer Liqasının tarixində 60 və daha çox qol vurmağa nail olan 31-ci futbolçu kimi adını siyahıya yazdırıb.

Xəbər maraqlı gəlib? Sosial şəbəkələrdə paylaşın