Türkiyə millisinin DÇ-2026 təqvimində dəyişiklik edildi

24 illik həsrətdən sonra 2026-cı il dünya çempionatına vəsiqə qazanan Türkiyənin milli komandasının oyun təqvimində yenilik edilib.

Gundem.today xəbər verir ki, "ay-ulduzlu" komandanın Paraqvaya qarşı yaşıl meydana çıxacağı qarşılaşmanın başlama saatı 08:00-dan 07:00-a keçirilib.

Türkiyə millisi 2026-cı il dünya çempionatında D Qrupunda mübarizə aparacaq. Komanda qrup mərhələsində ardıcıl olaraq Avstraliya, Paraqvay və ABŞ yığmaları ilə üz-üzə gələcək.

Yenilənmiş oyun cədvəli bu şəkildə təsdiqlənib:

14 iyun, Bakı vaxtı ilə saat 08:00

Avstraliya - Türkiyə

(Vankuver, Kanada)

20 iyun, Bakı vaxtı ilə saat 07:00

Türkiyə - Paraqvay

(San-Fransisko, ABŞ)

26 iyun, Bakı vaxtı ilə saat 06:00

Türkiyə - ABŞ

(Los-Anceles, ABŞ)

Qeyd edək ki, qrup mərhələsində Avstraliya, Paraqvay və ABŞ ilə qüvvəsini sınayacaq Türkiyə millisinin təqvimindəki bu saat dəyişikliyi yalnız Paraqvay ilə matça aiddir. Digər iki qarşılaşmanın başlama vaxtında isə heç bir dəyişiklik edilməyib.

Xəbər maraqlı gəlib? Sosial şəbəkələrdə paylaşın