U-20 milli komandasının təlim-məşq toplanışı keçiriləcək

2027-ci ildə Azərbaycan və Özbəkistanda keçiriləcək FIFA U-20 dünya çempionatına hazırlıq məqsədilə Azərbaycan U-20 milli komandasının təlim-məşq toplanışı keçiriləcək.

Gundem.today xəbər verir ki, bu barədə Peşəkar Futbol Liqası (PFL) məlumat yayıb.

Toplanış 13-26 aprel tarixlərini əhatə edəcək. AFFA və PFL-in məsləhətləşmələrindən sonra bütün potensial futbolçuların sınaqdan keçirilməsi məqsədilə Əvəzedicilər Liqasının təqvimində iştirakçı komandaların məlumatlandırılması şərti ilə dəyişiklik ediləcək. Belə ki, Əvəzedicilər Liqasının aprelin 13-də keçiriləcək oyunlarından sonra yarışda ikihəftəlik fasilə yaranacaq.

Yarışın oynanılmayan hissəsinin yeni təqvimi ilə bağlı əlavə məlumatlar veriləcək.

Xəbər maraqlı gəlib? Sosial şəbəkələrdə paylaşın