ABŞ-də federal işçi Trampı hədələməkdə ittiham olunur

ABŞ-nin Federal Aviasiya Administrasiyasının əməkdaşına Amerika Birləşmiş Ştatlarının Prezidenti Donald Trampı hədələdiyi üçün ittiham irəli sürülüb.

Gundem.today xəbər verir ki, bu barədə ABŞ-nin Nyu-Hempşir dairəsi üzrə prokurorluğunun rəsmi açıqlamasında qeyd edilib.

ABŞ prokuroru Erin Kreqan qeyd edib ki, Naşua şəhərinin sakini olan dövlət qulluqçusu 1 may 2026-cı il tarixində federal məhkəmədə ştatlararası rabitə şəbəkələrindən istifadə etməklə dövlət başçısına təhdid ismarıcları yollamaqda təqsirləndirilib. Həmin şəxs ötən gün saxlanılıb və bu gün onun məhkəmə prosesində iştirakı nəzərdə tutulur.

Sənəddə həmçinin vurğulanır ki, təqsirləndirilən vətəndaş aprelin 21-də öz şəxsi elektron poçt hesabından Ağ Evin hamı üçün açıq olan e-mail ünvanına məktublar yollayaraq ABŞ liderinə qarşı ölüm təhdidləri səsləndirib.

Xəbər maraqlı gəlib? Sosial şəbəkələrdə paylaşın