ABŞ-də qadın ölən ərini "diriltdi" - FOTO

Yeni texnologiyalar dəfn mərasimlərinə fərqli bir yanaşma gətirib: artıq insanlar öz dəfn mərasimlərində virtual klonları vasitəsilə "iştirak" edə bilirlər. Bu yaxınlarda 78 yaşlı ABŞ vətəndaşı Pem Kronrat holoqram texnologiyasından istifadə edərək, vəfat etmiş ərini onun öz dəfn mərasiminə "qaytarıb".

Gundem.today xəbər verir ki, bu barədə "Dailymail.com" nəşri məlumat yayıb.

Pem və əri Bill təxminən 60 il xoşbəxt bir ömür sürüblər. Həyat yoldaşı vəfat etdikdə, qadın ona möhtəşəm bir vida mərasimi təşkil edəcəyinə söz verib. Tədbirin planlaşdırılması zamanı Pem qabaqcıl texnologiyalara olan marağını xatırlayıb. Onun yadına tibbi konfransda birbaşa efirdə çıxış edən həkimin holoqramı düşüb və o, əri Billin rəqəmsal əkizini yarada biləcək bir şirkət axtarmağa başlayıb.

Bir neçə müəssisə dul qadının müraciətini qəbul edib və Billin köhnə videoyazıları və fotoşəkillərindən istifadə edərək mərhumun "rəqəmsal surətini" hazırlamağa razı olub. Pem Kronrat "əri"nin qonaqlar qarşısında çıxış edəcəyi nitqi də özü hazırlayıb.

"İnsanlar dəhşət içində idilər. Bəziləri nə baş verdiyini anlaya bilmirdi", - deyə Pem Kronrat etiraf edib.

Xəbər maraqlı gəlib? Sosial şəbəkələrdə paylaşın