ABŞ Livan-İsrail danışıqları ərəfəsində Beyrutun bombalanmayacağına zəmanət verib

Aprelin 14-də Vaşinqton şəhərində start götürəcək Livan və İsrail arasındakı müzakirələrdən öncə ABŞ Beyrut üçün təhlükəsizlik təminatı alıb.

Gundem.today xəbər verir ki, bunu "Əl-Hadath" telekanalı açıqlayıb.

Verilən məlumatlara əsasən, ABŞ çərşənbə axşamınadək Beyrutun hava zərbələrindən mühafizə olunacağına zəmanət verib.

Bildirilir ki, Livan və İsrail nümayəndələri arasındakı görüşlər səfirlər səviyyəsində baş tutacaq. Bu mərhələnin əsas hədəfi müzakirələrə start vermək üçün ilkin addım qismində atəşkəsə nail olmaqdır. Görüş zamanı tərəflərin "Hizbullah" təşkilatının silahlanması, İsrail ordusunun geri çəkilməsi, əsirlərin sərbəst buraxılması və sərhəd problemlərini nəzərdən keçirəcəyi planlaşdırılır.

Xəbər maraqlı gəlib? Sosial şəbəkələrdə paylaşın