Polşada sirli hadisə: Meşəyə naməlum obyekt düşdü

Polşanın şərqində yerləşən Minsk-Mazovetski şəhəri yaxınlığında uçan naməlum obyektin (UNO) düşməsi qeydə alınıb.

Gundem.today "RMF FM"ə istinadən xəbər verir ki, obyekt Minsk-Mazovetski yaxınlığındakı Rudnik qəsəbəsinin meşəlik ərazisinə düşüb.

Bildirilib ki, hadisə yaşayış məntəqələrindən xeyli uzaqda baş verdiyindən ölən və yaralanan olmayıb.

İlkin məlumata görə, düşən obyekt yük daşınması üçün istifadə edilən qurğu ola bilər, lakin onun tərkibi hələlik məlum deyil.

Hadisə yerinə polis və istehkamçıların daxil olduğu xüsusi operativ qrup göndərilib. Ərazi hüquq-mühafizə və xilasedici xidmətlər tərəfindən mühasirəyə alınıb.

Xəbər maraqlı gəlib? Sosial şəbəkələrdə paylaşın