Şakiranın konsertində Pikenin ünvanına təhqiramiz şüarlar səsləndirildi

Məşhur müğənni Şakira Rio-de-Janeyro şəhərində yerləşən Kopakabana çimərliyində pulsuz konsert proqramı ilə çıxış edib.

Gundem.today Sport24.ru-ya istinadən xəbər verir ki, ifaçının çıxışını təxminən iki milyon insan izləyib.

Şakira konsert zamanı Jerar Pike ilə münasibətlərinə eyham vurub.

"Braziliyada 20 milyon tənha ananın olduğunu bilirdinizmi? Onlar ailələrini dolandırmaq üçün ağır işlərdə çalışırlar. Mən də onlardan biriyəm!", - deyə sənətçi bildirib. Bu sözlərdən sonra konsert iştirakçıları Pikenin ünvanına təhqiramiz şüarlar səsləndirməyə başlayıblar.

Qeyd edək ki, 2022-ci ildə Pike və Şakiranın futbolçunun xəyanəti səbəbindən ayrıldıqları məlum olub. O vaxtdan bəri kolumbiyalı müğənni iki oğlunu təkbaşına böyüdür.

Xəbər maraqlı gəlib? Sosial şəbəkələrdə paylaşın