Ürək xəstəlikləri riskini azaldan içki

Diyetoloq Karen Qreça ürək xəstəlikləri riskini azaltmağa kömək edən faydalı içkinin adını açıqlayıb.

Gundem.today xəbər verir ki, mütəxəssis bu barədə "Eating Well" nəşrinə müsahibəsində danışıb.

Onun sözlərinə görə, yaşıl çay ürək xəstəliklərindən qorunmaq üçün ən effektiv vasitələrdən biridir.

Qreça bildirib ki, bu içkinin tərkibində katexinlər adlanan bitki mənşəli antioksidantlar var. Həmin maddələr ümumi və "pis" xolesterin səviyyəsinin nəzərəçarpacaq dərəcədə azalmasına kömək edir.

Bundan əlavə, antioksidantlar orqanizmə ümumi iltihab əleyhinə təsir göstərir ki, bu da ürək-damar sisteminin sağlamlığını dəstəkləyir.

"Yaşıl çaydakı katexinlər güclü antioksidant təsirə malikdir - onlar sərbəst radikalları neytrallaşdırır, aqressiv metalları bağlayır və zərərli oksidləşdirici reaksiyaların intensivliyini azaldır", - deyə Karen Qreça əlavə edib.

Diyetoloq qeyd edib ki, bütün bu proseslər qan damarlarının elastikliyini və sağlamlığını qoruyur.

Xəbər maraqlı gəlib? Sosial şəbəkələrdə paylaşın