"Xalq Bank"da əmanət yerləşdirin, 50 000 AZN qazanmaq şansı əldə edin

Ölkənin aparıcı banklarından olan "Xalq Bank" əmanət yerləşdirən müştərilər üçün stimullaşdırıcı "Əmanət" lotereyasına start verir. Şərtlərə əsasən, 1 aprel - 30 dekabr 2026-cı il tarixlərdə "Xalq Bank"ın Bakı və Sumqayıt şəhərlərində yerləşən filiallarında minimum 500 AZN / 300 USD, digər regionlarda yerləşən filiallarda isə minimum 250 AZN / 150 USD məbləğində əmanət yerləşdirən müştərilər lotereyada iştirak etmək şansı əldə edirlər.

Lotereyada iştirak etmək üçün müştərilər "Xalq Bank"ın "Müddətli", "Proqress", "VIP-Rantye" əmanət növləri üzrə depozit yerləşdirməlidirlər.

Dörd tirajdan ibarət olan lotereyada iştirakçıları 50 000 AZN də daxil olmaqla müxtəlif məbləğlərdə pul mükafatları gözləyir. Daha geniş iştirak imkanını təmin etmək məqsədilə filiallar beş qrup üzrə bölünüb:

Birinci qrup: Bakı və Sumqayıt şəhərlərində yerləşən filiallar;

İkinci qrup: Gəncə, Qazax, Şəmkir, Tovuz, Mingəçevir filialları;

Üçüncü qrup: Zaqatala, İsmayıllı, Şamaxı, Şəki, Yevlax filialları;

Dördüncü qrup: Xaçmaz, Şabran, Qusar, Quba, Siyəzən filialları;

Beşinci qrup: Neftçala, Cəlilabad, Lənkəran, Şirvan, Göyçay filialları.

Lotereya çərçivəsində ümumilikdə 227 qalibə pul mükafatı təqdim ediləcək. Uduş fondu cəmi 452 500 AZN olmaqla, iki ədəd 50 000 AZN, 45 ədəd 5 000 AZN, 75 ədəd 1 000 AZN və 105 ədəd 500 AZN məbləğində pul mükafatlarından ibarətdir.

Birinci, ikinci və üçüncü tirajlarda hər filial qrupu üzrə ayrı qaliblər müəyyən ediləcək. Dördüncü tirajda isə əsas mükafat üzrə qaliblər iki qrup üzrə müəyyən olunacaq: Bakı və Sumqayıt filialları üzrə bir qalib 50 000 AZN, region filialları üzrə isə bir qalib 50 000 AZN qazanacaq.

Tirajların keçirilmə tarixləri: Birinci tiraj - 10 iyul 2026-cı il, ikinci tiraj - 12 oktyabr 2026-cı il, üçüncü və dördüncü tirajlar - 12 yanvar 2027-ci il.

Müştərilər Xalq Bankda 3, 6, 12, 18, 24 ay müddətində sərfəli şərtlərlə əmanət yerləşdirərək AZN üzrə illik 10.5%-dək, USD üzrə 2.5%-dək gəlir əldə edə bilərlər. Müxtəlif çeşidli əmanət məhsulları arasında faiz gəlirini aylıq və ya müddətin sonu təklif edən, əmanəti artırma və ya azaltma imkanları olan məhsullar arasında seçim etmək mümkündür.

Lotereyaya qoşulmaq üçün "XalqOnline" mobil tətbiqinin "Lotereya" bölməsində iştirakı təsdiq etmək tələb olunur.

Şərtlər barədə bu linkə daxil olaraq daha ətraflı məlumat əldə edə bilərsiniz.

Xəbər maraqlı gəlib? Sosial şəbəkələrdə paylaşın