
Bakıda intensiv yağışlar fəsadlar törədib: Qurumlar gücləndirilmiş rejimdə işləyirlər - FOTO
"Aprelin 4-dən etibarən ölkə ərazisində müşahidə olunan intensiv yağıntılı hava şəraiti bir sıra fəsadlara səbəb olub. Milli Hidrometeorologiya Xidmətinin məlumatına görə, əsasən Bakı və Abşeron yarımadasında aprelin 5-6-da yağıntının miqdarı 90 mm təşkil edib ki, bu da aylıq normanın 390 faizinə bərabərdir".
"Aprelin 4-dən etibarən ölkə ərazisində müşahidə olunan intensiv yağıntılı hava şəraiti bir sıra fəsadlara səbəb olub. Milli Hidrometeorologiya Xidmətinin məlumatına görə, əsasən Bakı və Abşeron yarımadasında aprelin 5-6-da yağıntının miqdarı 90 mm təşkil edib ki, bu da aylıq normanın 390 faizinə bərabərdir".
Gundem.today xəbər verir ki, bu məlumat Bakı Şəhər İcra Hakimiyyətindən (BŞİH) verilib.
"Güclü yağışlar nəticəsində paytaxtın müxtəlif ərazilərində subasma halları qeydə alınıb. Xüsusilə kanalizasiya sistemi olmayan Bakıətrafı qəsəbələrdə vəziyyət daha çətin olub. Həmin ərazilərdə kommunal xidmətlərin əməkdaşları xüsusi texnikalar vasitəsilə yağış sularının çəkilməsi istiqamətində işlər aparırlar, zəruri hallarda isə sakinlərin təxliyəsi həyata keçirilir. Ərazilərə su nasosları, xüsusi qurğular və ağır texnikalar cəlb olunub.
Mövcud vəziyyətlə əlaqədar olaraq BŞİH, onun tabeliyində olan qurumlar, eləcə də rayon icra hakimiyyətləri gücləndirilmiş iş rejiminə keçiblər.
Qeyd olunub ki, aidiyyəti strukturların əməkdaşları fasiləsiz fəaliyyət göstərərək yaranmış problemlərin aradan qaldırılması istiqamətində tədbirlər görürlər.
İntensiv yağış ətraf mühitə də təsirsiz ötüşməyib. Aprelin 5-i axşam saatlarından 6-sı səhərədək davam edən yağış və külək nəticəsində ağac aşmaları qeydə alınıb. Bununla bağlı Bakı Şəhər Yaşıllaşdırma Təsərrüfatı Birliyinin operativ qrupları hadisə yerlərinə cəlb olunaraq aşan ağacların ərazilərdən götürülməsini təmin edib.
Hazırda BŞİH-in monitorinq qrupları da ərazilərdə fəaliyyət göstərirlər. Onlar su yığılan və problemli nöqtələri müəyyənləşdirərək aidiyyəti qurumlara operativ məlumatlar təqdim edirlər.
Ümumilikdə, paytaxtda intensiv yağışların yaratdığı fəsadların aradan qaldırılması üçün bütün məsul qurumlar koordinasiyalı şəkildə fəaliyyətini davam etdirir", - deyə məlumatda bildirilib.
Xəbər maraqlı gəlib? Sosial şəbəkələrdə paylaşın
Oxşar Xəbərlər
CəmiyyətDiplomatik xidmətə qəbul üzrə növbəti MÜSABİQƏ BAŞLAYIR
Xarici İşlər Nazirliyində (XİN) diplomatik xidmətə qəbul üzrə növbəti müsabiqə başlayır.
CəmiyyətHava şəraiti ilə əlaqədar neçə universitet onlayn tədrisə keçdi? - SORĞU
Son günlər müşahidə olunan dəyişkən hava şəraiti təhsil müəssisələrinə də təsirsiz ötüşməyib. Məktəblərdə şagirdlərin davamiyyətində azalma qeydə alınıb. Bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.
CəmiyyətSabah Bakıda 18 dərəcə isti olacaq - 07.04.2026
Azərbaycanda aprelin 7-də gözlənilən hava şəraiti açıqlanıb.
CəmiyyətBibiheybət yolunda TƏHLÜKƏLİ VƏZİYYƏT – Hərəkət qismən məhdudlaşdırıldı
Aramsız yağan yağışlar nəticəsində Səbail rayonu, Bibiheybət yolunun keçdiyi ərazidə torpaq sürüşməsi təhlükəsi yaranıb.